حكاية الوحش المنتوف حمام السيفيانوس
السلام عليكم ورحمة الله، متابعينا الأعزاء ليوم غادي نحكي ليكم القصة ديال هاد الذكر لي سميتو(الوحش المنتوف👹) و علاش سميتو بهاد الإسم..؟! حيت شحال من واحد تيقول غير أسماء و تخربيق.. و بالعكس تنختار الإسم المناسب و متبع الفرخ من قبل مايخرج من البيضة و في كل المراحل..🕧🕟🕘 ولكن لي ماعارفش يُعذَر..! لمنتوف ولد لكيحَل🌪 تفرّخ فالصيف فالحرارة🏜🌡☀️🔥+ العش فين كبر كان عالي منّو للقزدير.. و راكم عارفين شنو تيوقع فهاد لحالة🥵، المهم خوه مع خرج من البيضة🥚 مات، هو عاش كبر شوية، واحد النهار جيت صبتو مضروب و عامر دمّ و الجلدة ديال راصو طايرة😬، رجّعت ليه شي حاجة ديال الجلد لراسو و خيطت ليه، مع ذلك بقى الأثر ديال الجرح و ماناضش ليه الريش تما ولى تيبان منتوف من راسو و تخيّلو هادشي كامل فحرارة مرتفعة 🌡..، كبر شوية بصعوبة ربي لي نجّاه، طاح من لعشّ بقى مريض من المعاناة لي عانى.. الصورة الثانية تبين كيف كان، باش مانطوّلش عليكم هو حياتو عامرة كوارث..😁،و منين كبر و جاتو الهياجة .. هنا المفاجئة 😃، دمّو ناااار 🔥 و السلامة ديال التّسرميق👏🏾💢👏🏾 خرج كيف الوحش👹!! ومن هنا جات سمية الوحش المنتوف... ودابا و لله الحمد أول بيض ليه خرج عامر نار..
..وإن شاء الله وليداتو نتولّعو معاهم بالأشعار..
📝و هادي هواية وحنا تنشاركو معاكم الولاعة و الولاعة أدب و تاتعلّمنا الرحمة مع هاذ الطيور البريئة من كلام و أفعال بعض الناس..، و الله ولي التوفيق فنسأل الله أن يوفقنا و وإياكم لما يحب ويرضى، نعتذر على الإطالة و جزاكم الله خيرا 🌹.
#حمام #السيفيانوس #المغربي #الأصيل
جميل
ردحذف